PERORSAASERIAASEQ SIUNERTARALUGU TIMERSORNEQ, PINNGUARNEQ AALANERLU INNARLUUTEQARTUNIK SULIAQARFIUSUNI INGERLATASSAQ
GIF-ip aallutaasa pingaarnerit ilagaat sammisassat ineriartortillugillu aallussiffigisassanut toqqartumik assigiinngisitaartumillu inerisaaviginissai – uani aamma innarluuteqartunut immikkut aallussinikkut. GIF-ip periusissiaqarpoq ilaatigut siuunertarineqarluni najugaqarfinni suliaqarfiusunilu pinnguarneq ulluinnarnilu aanerunissamik siunertaqartumik. Suliniut tamanna Qeqqata Kommuniani (sisimiut & Maniitsoq) ingerlanneqassooq.
SOOQ
GIF-ip takorluugaraa nunarsuarmi ukioq 2030-mi timikkut aalatitsinerpaanissarput anguneqassasoq, tamannali amerlanerpaat peqataatinnerisigut aatsaat iluatsissinnaavoq.
Suliniutit arlariinnik pisariaqartitsisunut peqataaffigineqarnissamut tulluarsakkat. Suliniut tamanna pingaaruteqarluinnarpoq uani immikkut najugaqarfinni/suliaqarfiusuni ulluinnarni aalavallaanngiffiusuni timip aalatinnissaanut periarfissiimmat taamaasillunilu ulluinnarni aalanermik tunngaveqartumik nuannaarnerulernermik nassataqassaaq. Suliniarfigineqartut peqqinnerulerlutillu ulluinnarni atukkaminnik iluarisimaarinninnerulissaapput timikkut aalalluarnermikkut imminut ikiorluarsinnaanerusutut misigalutillu inuunerup imaqarluarneranik misigisimalissapput.
SUNA
Suliniummi perorsaatigalugu timersorneq, sammisassaqarnermut tulluarsarneq aammalu aalalluarnerulernermik nuannarisaqalerneq siunertaavoq uanilu najugaqarfiusuni / suliaqarfiusuni sulisut aalatitsinerunissamut peqataatitsilluarnissamullu sakkussanik tigussaasunik tunineqarnissai pingaartinneqarpoq. Najugaqartut uani iluarusunnerulernermik aammalu aalanissamut kajuminnerulernissamik tunineqassapput -neriulluta najugaqartut timimik aalatinnerunissaanut kajumilersinneqarlutik ulluinnarnilu peqataanerunissamut periarfissanik tunineqassasut timersoqatigiinnut peqatigiiffinni peqataasinnaanisamut periarfissinneqarlutik.
QANOQ
Najugaqarfinni/ suliaqarfinni sulisunut pikkorissaanerit ingerlanneqassapput, uani neqeroorutigineqarluni ulluinnarni perorsaanermik, timersornermik aalanermillu sammisumik ingerlanneqartarneranut timitaliinerusumik tunniussaqarnikkut.
Pikkorissaaneq modulini 2-ni tamarmik akunnernik 16-ni ingerlanneqassaaq, modulit tamarmik immikkut atuagarsornikkut timitaliinikkullu ingerlanneqassallutik. Taassuma saniatigut GIF-ip sammisassaqartitsinerit peqataaffigissavai suleqataaffigalugit.
