Timersoqatigiiffissinni ataatsimoorneq pitsaasoq pilersissiuk, qanorlu sinaakkusersorneqassanersoq siuarsarneqassanersorlu oqaloqatigiissutigisarsiuk.

Toqqissisimasumik akuutitsisumik pitsaasumillu sungiusariartarfeqassappat peqatigiiffittut oqaatigisartakkasi sungiusarianut aamma malunnartariaqarput.

Taamaattumik sungiusaasuunissinni kajumissutsiminnillu suliaqartuni inuttut pissuseq piginnaatsilu qanoq ittuusut takorusunnerlusigit eqqumaffigissavasi. Peqatigiiffissinni meeqqat pillugit ataatsimut politikissinnut tamakku qanoq ittuussasut allattorsigit. 

Assersuutigalugu meeqqanut nutaanut tikilluaqqusisarneq aaliangersimasoq, ataatsimoorfiit pitsaasut qanoq pilersinneqarsinnaappat, atisaajartarfinni uffarfinnilu malittarisassat aaliangersimasut il. il.   

Peqatigiiffissinnut meeqqat pillugit politikkeqarnissaq pillugu isumassarsianik siunnersortikkusukkussi uunga allassinnaavusi gif@gif.gl

Isumassarsiorfik

Den gode velkomst

Forstør og forstærk fællesskabet

Sungiusartarneq unammisarnerlu pillugit ersarissumik malittarisassioritsi, taamatullu timersortunut, sungiusaasunut angajoqqaanullu suna takorusunnerlugu ilisimatitsissutigalugu.

Sungiusaasoq pitsaasoq angajoqqaarlu peqatigiiffimmi qanoq ittuussanersoq pillugu krydsilersugassamik sanagitsi. Taamaattumut assersuusiaq takuuk namminerlu sanallusi.

Meeqqat ilinniarnissaminnut ineriartornissaminnullu assigiinngitsunik tunngaveqartarput.

Meeqqat pisariaqartitaat piginnaasaallu aallaavigalugit, inersimasut angorusutaat piumasaqaataallu aallaaviginagit, unammilligassat pitsaasut naapertuuttullu qanoq ittuussanersut eqqartorlugillu nassuiarsigit.  

Kalaallit Nunaat sinnerlugu unammisartutut anguniagaqartut, meeqqanut inuusuttunullu tunngatillugu innersuussutit pillugit Elite Sport Greenland-ip Piukkunnaatilittut ineriartortitsinissamut modelli kiisalu Piukkunnaatilimmiik pikkorivissortumut innersuussutit pillugit misissorneqarsinnaapput.

GIF-ip unammisarneq pillugu innersuussutai takukkit 

Isumassarsiorfik

Tjekliste for den gode træner

Tjekliste for den gode træner

Elite Sport Greenland

Piginnaanilinnik ineriartortitsinissamut modelli

Piukkunnaatilimmii Pikkorivissortumut

Isummasi, sunalu ilimaginerlugu ersarissumik saqqummiuttassavasi inersimasunut eqqassinniittunut, meeqqat timersoqatigiiffillu pillugit: sungiusaasut, lederit angajoqqaallu.

Timersortunut, angajoqqaanut sungiusaasunullu ersarissumik attaveqartarnissarsi pingaaruteqarpoq. Timersoqatigiiffiup naleqartitai kulturialu eqqumaffigissavasi, qanorlu taakku avatangiisimut unammisarnermullu pitsaasumut tarranitsitsisarnersut.

Timersoqatigiiffimmi kajumissutsiminnik suliallit, sungiusaasut lederillu maligassiuisutut isigisassavasi.

Meeqqat qisuariartarneri pissusilersortarnerilu inersimasuniit aallaaveqartarput – haalip banelluunniit iluani avataani silataanilu. Isiginnaartut dommerimut nilliasarnerat akuerineqarsinnaava? Pissuseq taamaattoq meeqqat issualertarpaat.  

Meeqqat inuusuttullu attaveqartariaasiat pitsaasuutinniarussiuk, inersimasut ukkatarisigit

Suliassasi suunersut nassuiarsigit timersoqatigiiffimmullu ukiup ingerlanerani pisussanik allattuigitsi, taamaalilluni suliassat qaqugu, kimit qanorlu isumagineqassanersut paatsuungassutaassanngillat.

Ingerlasussat kipisaqattaannginnissaat isumaqatigiinnginnissarlu pinngitsoortinniarlugit pingaartuuvoq kulturi qanoq ittoq, naleqartitasi timersoqatigiiffimmilu suleriaasissarsi qanoq ittuussanersut siumut aalajangereerussigit, taava suliassat qaqugu, kikkut aamma qanorlu suliarineqassanersut paatsuungassutaassanngillat

Innarliisoqarsimatillugu maleruagassanik allattukkanik peqarnissaq pingaaruteqarpoq, aammalu meeqqanik pinerliisimannginnermut uppernarsaatinik aallertarnermut tunngasunik, arlaatigulluunniit unammillernartumik pisoqarsimatillugu malittarisassat. Meeqqat, inuusuttut inersimasullu ilisimasariaqarpaat kikkunnut saaffiginnittassanerlutik, misigisaqapilussimasorlu tapersersorneqarlunilu ikiorneqartassaaq. Meeqqat inuusuttullu sammisaqartinneqarnerisa nalaanni pissusissamisuunngitsumik pisoqartillugu kalerriisoqarpat isornartorsiuisoqarpat qarsupiinnarneqaratillu ataqqineqartassapput.

Angalasarnermut tunngatillugu maleruagassat ersarissuunissai pingaaruteqarpoq, meeqqat angajoqqaatik peqatiginagit angalagaangata peqatigiiffittut meeqqat akisussaaffigaasi.

Ukiup ingerlanerani pisussat allattorsimaffiannut suliassat ikkussuussigit

Meeqqanik innarliisimannginnermut uppernarsaatit imatut pissarsiarisinnaavatit

Eksempel på sikkerhedsinstruks til rejser

Eksempel på safe-guarding i forening

Timersoqatigiiffissinni sungiusaasut kajumissutsiminnillu suliaqartut meeqqat pillugit siuarsaasut nersualaartarsigit. Sammisaqartitsisaritsi, tassanilu timersoqatigiiffissinni nunaqqatigiillu akornanni maligassiuisutut naleqassusiat   paasitissiuk.

Sungiusaasut kajumissutsiminnillu suliallit sakkusaannik pilersorsigit pikkorissarnissamullu  periarfissamik neqeroorfigisarlugit

Timersoqatigiiffissinni kajumissutsimik suliaqartarneq pilerinartunngortissiuk, meeqqanik inuusuttunillu sullissinissinni inersimasussaaleqineqaqqunagu.

Sungiusaasut  meeqqanik sungiusaanissamut allakkulluunniit soqutigisaminnut tunngasunik  pikkorissarnissamut periarfissanik neqerooruteqarfigisarsigit. Tamanna aamma sungiusaasussatut piukkunnaatilinnut sungiusaasumullu ikiortaasartunut neqeroorutigisiuk.

Eqqaamallugu amerlasuut nammineq timersoqatigiiffissi iluani isumagisinnaagassigit, aamma periarfissaasarpoq timersoqatigiiffiit allat isumassarsiffigisasallugit. Sungiusaallaqqissortasi atorluartarsigit, ilisimasaminnik misilittagakkaminnillu sungiusaasunut allanut avitseqateqartittarlugit.

Isumassarsiorfik

Kajumissutsiminnik sulerusuttut ima pilerisaarsinnaavasi

GIF – kursusertitsinerit workshopillu

Ilaasortat apersortarlugit aalajangeeqataatittarlugillu kissaatigisaat pisariaqartitaallu annerusumik paasisaqarfigisigit.  

Tamanna ingerlanneqarsinnaavoq qarasaasiakkut apeqqutinik immersugassanik immersuisillugit imalt. katersuutsillugit qanoq ineriartornissaq takorloorneraat nalilersueqatigisarlugit.

Meeqqat inuusuttullu akuutinneqarnissaat pingaartuuvoq, inersimasut meeqqanut eqqumasumik tusarnaartassapput, inuusuttut tusarnaarneqarnissaminnut kissaatigisartagaat naapertorlugu, aamma meeqqat inuusuttullu ilisimasaqarnerat akuerineqartassaaq taamatullu misigisatik inersimasuninngarnit allatut isigisaraat.

Isumassarsiorfik

Klubissinni ilaasortanut misissuinermik pilersitserusuppisi?

Uani aallartissinnaavusi namminerlu uuminnga sanallusi ilaasortanik apersuineq.

Ikiorneqarnissamut pisariaqartitsissagussi uunga allassinnaavusi gif@gif.gl Timersoqatigiiffissinni ataani allassimasut pillugit ilaasortasi qanoq isumaqarnersut peqatigiiffissinnut tulluuttumik misissugassiornissamut ikiortissinnaavusi:

• Ilaasortaanertik naammagisimaarneraat
• Peqatigiiffimmut tikilluaqqusaaneq
• Timersornissamut kajumissusiat
• Peqatigiiffimmi kajumissutsimik suliaqarneq
• Peqatigiiffimmik ilaasortanullu attaveqartarneq
• Siulersuisut suleriaasiat siunissamullu suut eqqumaffigineqassanersut.