SIULERSUISUT SULIASSAAT ATUUFFIILU

Siulersuisutsialaat ima katitissavatit

Siulersuisutsialaat ilaasortaqassapput assigiinngitsunik suliaqarsinnaasunik. Assigiinngitsunik suliassaqarnermikkut assiginngitsunik piginnaasaqassapput. Siulersuisunut ilaasortat suliassanut assigiinngitsunik immikkut piginnaaneqassapput. Tamarmik assigiimmik pisinnaassanngillat peqatigiiffiulli ilaasortani sunik suliaqarnissaannik naatsorsuuteqarfiginerlugit ilisimatittariaqarpai.

Siulersuisutsialanni ataaseq arlallilluunniit attaveqaqateqallaqqissuussapput. Ilaat ataaseq allaffissornermut pikkorissuussaaq, alla attaveqarfigisanut, allalu inunnik katersuinermut – imaluunniit allat allatut piginnaaneqassapput. Siulersuisut nalinginnaasumik tallimaasarput, aammali inuit pingasuinnaasinnaapput (siulittaasoq, aningaaserisoq siulersuisunullu ilaasortaq).

Siulersuisuni ilaasortanut nutaanut ilisarititsineq

Iluaqutaasinnaassaaq siulersuisunut ilaasortanut nutaanut attaveqaammik pitsaasunik siunnersuinissaminut piareersimajuartussamik toqqaanissaq. Taamaaliornikkut siulersuisut

• nassuerutigissavaat aallartinneq nalornisoornernik apeqqutissanillu ilaqarsinnaasoq.
• inuup toqqissisimanissaa pingaartillugu takutissavaat.

Misilittagaqarluni ilitsersuisup siulersuisuni ilaasortanut nutaanut pisussaaffiit naatsorsuutillu suliassanut atassuteqartut aammalu malittarisassat peqatigiiffimmi sulinermut inuunermullu tunngasut  ilisaritissinnaappagit iluaqutaasinnaassaaq. Eqqarsaatigisiuttaaq siulersuisunut ilaasortat nutaassat katersornissaat eqqarsaatigalugulu iliuusissanik nutaanik eqqarsaateqarnissarsi. Siulersuisuni suliaqarfiit inuttaleruminaassinnaammata sulinissinni ikaarsaartoqarnissaa eqqarsaatigisiuk.