Timersoqatigiit Kattuffiata meeqqat pillugit politikkia
Siulersuisunut, sungiusaasunut angajoqqaanullu innersuussutit
Timersoqatigiit Kattuffiata meeqqat tamarmik toqqissisimanartumik, peqqinnartumik inersimasunillu toqqissisimatitsisunit tikilluaqqusaasutut misigalutik timersortarnissaat kissaatigaa. Meeqqat tamarmik suiaassusertik, kinaassusertik, oqaatsitik inuiaqatigiinnilu qanoq inissisimanertik apeqqutaatinnagu tikilluaqqusaallutillu illersorneqartutut misiginissaat pingaartuuvoq.
Meeqqat pillugit politikkimi meeqqat inuusuttullu timersortarneranni tunngavissat innersuussutigineqartullu allassimapput, tassaallutillu kattuffinnit timersoqatigiiffinnillu Timersoqatigiit Kattuffiannut ilaasortaasunit najoqqutarineqartussanngortinneqartut.
Timersoqatigiit Kattuffiata meeqqat pillugit politikkia, uani atuaruk
Timersoqatigiit Kattuffiata meeqqat pillugit polikkia peqatigiiffiit kattuffiillu timersornikkut toqqissisimanartumik peqataatitsisumillu periuseqarnissaannut aqqutissiinissaa anguniarlugu pilersinneqarpoq.
Meeqqat pillugit politikkeqarnikkut kattuffiit peqatigiiffiillu immikkut tamarmik timersuummi ingerlataminni Timersoqatigiit Kattuffiata politikkia atuutsinnissaanut malinnissaa namminneq ilusilersinnaavaat – timersuummi ingerlataminnut tulluarsarlugu meeqqat tamarmik toqqissisimanissaat peqataatinneqarnissaallu qulakkeerniarlugu.
Suliassaq oqilisarniarlugu innersuussutinik makkuninnga pilersitsisoqarpoq
Innersuussutit siulersuisunut, sungiusaasunut angajoqqaanullu agguarneqarput, qulequttanik pingasunut makkuusunut:
- Timersornermi toqqissisimanartumik ataatsimoorfiusumillu avatangiiseqarneq: Timersornikkut avatangiisit pitsaasut, isumannaassuseq, illersugaanerlu.
- Inersimasut toqqissisimatitsisut: Angajoqqaat, sungiusaasut akisussaaffiat, sungiusarneq unamminerillu
- Timersornerup ineriartorneranut peqataaneq sunniuteqaqataanerlu: GIF-ip Meeqqanut Isummersorfiat, meeqqanik akuutitsi
